×

Live on

रेडियो अर्थ सरोकार

Listen to live radio.

सहकारी ठगी: पक्राउ परेका पूर्व सहकारी रजिस्ट्रार धरौटीमा छुटे

PRIME CA
GLOBAL IME BANK

सहकारी ठगी: पक्राउ परेका पूर्व सहकारी रजिस्ट्रार धरौटीमा छुटे

९ चैत्र २०८०, शुक्रबार

पढ्न लाग्ने समय: १ मिनेटभन्दा कम

काठमाडौँ । पोखराको मित्रमिलन सहकारी ठगी प्रकरणमा पक्राउ परेका गण्डकी प्रदेशका पूर्व सहकारी रजिस्ट्रार धरौटीमा छुटेका छन् । उच्च अदालत पोखराले पूर्व सहकारी रजिस्ट्रार उदयबहादुर पराजुलीलाई २० लाख रुपैयाँ धरौटीमा छोड्न आदेश दिएको हो ।

सहकारीको कार्यक्षेत्र विस्तार गर्न १ करोड २५ लाख रुपैयाँ घुस लिएको आरोपमा प्रहरीले पराजुलीलाई गत पुष ११ गते पक्राउ गरेको थियो ।

पक्राउ परेका पराजुलीलाई कास्की जिल्ला अदालतले पुष १७ गते पुर्पक्षका लागि थुनामा पठाउने आदेश दिएको थियो । तर, जिल्ला अदालतको उक्त आदेशलाई उल्ट्याउँदै उच्च अदालतले पराजुलीलाई धरौटीमा छोड्न आदेश दिएको छ । उनी कुश्मा नगरपालिकाको प्रमुख प्रशासकीय अधिकृतसमेत हुन् ।

सहकारीमा भएको ठगी प्रकरणमा पक्राउ परेका संस्थाका अध्यक्ष रमन पौडेल र प्रबन्ध किरण अधिकारीले सहकारीको कार्यक्षेत्र विस्तार गर्न पराजुलीलाई १ करोड ३५ लाख रुपैयाँ बुझाएको बयान दिएका थिए । त्यसपछि प्रहरीले उनलाई नगरपालिकाको कार्यालयबाटै पक्राउ गरेको थियो ।

पराजुलीसँगै उच्च अदालतले सोही प्रकरणमा पक्राउ परेका सहकारीका लेखासमित सदस्य जनकराज पौडेललाई पनि ७ लाख रुपैयाँ धरौटीमा छोड्न आदेश दिएको छ ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: