काठमाडौँ । शारडा डिस्टिलरीका मालिक प्रमोद गोयन्का फरार भएका छन् । राजस्व छली प्रकरणमा जेल जाने डरले गोयन्का फरार भएका हुन् ।
आन्तरिक राजश्व कार्यालय लहानले गोयन्का मालिक रहेको शारडा डिस्टिलरीमा शिलबन्दी गरेर अनुसन्धान थालेपछि गोयन्का सम्पर्कविहीन भएका हुन् । राजस्व कार्यालय स्रोतका अनुसार पक्राउ परेर जेल जाने डरले गोयन्का बिना सूचना अनुसन्धान चलिरहेकै बेला सम्पर्कविहीन भएका छन् । उनी भारत गएको बुझिएको छ ।
राजस्व विभागको एउटा स्टिकरलाई दुई टुक्रा पारेर प्रयोग गरी राजस्व छली गरेको पाइएपछि आन्तरिक राजस्व कार्यालय लहानले कम्पनीको उद्योग र गोदाममा शिलबन्दी गरेर थप अनुसन्धान गरिरहेको छ ।
