काठमाडौँ । सिङ्गापुरले कर्मचारी अवकाशको उमेर बढाउने भएको छ । सन् २०२६ मा सिङ्गापुरले सेवानिवृत्ति (अवकाश)को उमेर ६३ बाट बढाएर ६४ वर्ष पुर्याउने भएको हो ।
कर्मचारीको अवकाश उमेर बढाउने विषयमा सिङ्गापुरका जनशक्ति मन्त्रि तान सी लेङले संसदमै घोषणा गरेका छन् । उनले पुनः अवकाशको उमेर भने ६८ बाट ६९ वर्षमा पुर्याउने पनि घोषणा गरेका छन् ।
सन् २०२३ जुनसम्म सिङ्गापुरका लगभग २० प्रतिशत नागरिक ६५ वर्ष वा सोभन्दा माथिका थिए । गतवर्ष सिङ्गापुरको कुल प्रजनन् दर इतिहासमै पहिलो पटक १ अंकभन्दा तल ०.९४ मा झरेको थियो ।
