काठमाडौं। राकुटेन भाइबरले कस्टमाइज गर्न मिल्ने च्याट फोल्डर्स लन्च गरेको छ। जसले प्रयोगकर्ताहरूलाई विशेष कुराकानीहरू छिटो खोज्न र तिनीहरूको कम्यूनिकेशन म्यानेज गर्न मद्दत गर्छ । प्रयोगकर्ताको सुविधालाई ध्यानमा राखेर डिजाइन गरिएको च्याट फोल्डर्सले विषय, ग्रुप वा व्यक्तिहरूमा आधारित भई सहज वर्गीकरण गरी च्याट फोल्डर्सलाई सुव्यवस्थित बनाउने कम्पनीले जनाएको छ ।

उक्त नयाँ सुविधामा प्रयोगकर्ताहरूले पाँचवटा कस्टम फोल्डर्स सिर्जना गर्न सक्नेछन् । साथै, यसले स्वचालित रूपमा अन्य सबै च्याटहरू समावेश गर्ने एउटा ‘अल’ ट्याब पनि उपलब्ध गराएको छ। कस्टमाइज फोल्डर्समा एउटै च्याट धेरै फोल्डर्समा पनि राख्न सकिन्छ र असीमित सङ्ख्यामा च्याटहरू थप्न पनि सकिन्छ । प्रयोगकर्ताहरूले फोल्डर्स पुन: नामाकरण गर्न वा फोल्डर्स भित्रका सबै च्याटहरूलाई रिडको मार्क लगाएर उनीहरूको कम्यूनिकेशनलाई सजिलै वर्गीकरण र स्ट्रिमलाइन गर्न पनि सकिने कम्पनीले जनाएको छ ।

फोल्डर्स बिस्तारै विश्वव्यापी रूपमा रोलआउट हुँदैछन् र आगामी केही महिनाहरूमा राकुटेन भाइबरका २२.० र त्यसमाथिका भर्जन भएका सबै प्रयोगकर्ताहरूका लागि उपलब्ध हुने भाइबरले जनाएको छ । १० भन्दा बढी च्याट भएका प्रयोगकर्ताहरूले एप खोल्ने बित्तिकै यसको सुविधा प्राप्तग र्न सक्नेछन् ।

फोल्डर्स अक्टिभेट गर्न मुख्य च्याट स्क्रिनमा more मा गएर Manage Folders मा सेलेकट गरी तिनीहरूमा च्याटहरू थप गर्न सकिन्छ ।