">
काठमाडौं । वैदेशिक रोजगारीका लागि विदेश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा ३८ वर्षीया सन्ध्या लामा बुढा मगर र ५३ वर्षीय उदिम बहादुर पुन रहेका छन् ।
उनीहरुले बेरोजगार युवायुवतीलाई वैदेशिक रोजगारीका लागि स्लोभाकिया, अमेरिकालगायतका देश पठाईदिने भन्दै रकम ठगी गरेका थिए । सन्ध्या लामा बुढा मगरले दुई लाख रुपैयाँ र उदिम बहादुर पुनले ७८ लाख रुपैयाँ ठगी गरेको प्रहरीले जनाएको छ ।
उनीहरुलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले मनमौजु र सातदोबाटोबाट पक्राउ गरेको हो ।
हाल उनीहरुलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
