काठमाडौँ । बाराही जङ्गल लजले निकुञ्ज क्षेत्रमा सरसफाइ कार्यक्रम सम्पन्न गरेको छ । बाराही हस्पिटालिटी अन्तर्गत चितवनमा अवस्थित बाराही जङ्गल लजले चितवन राष्ट्रिय निकुञ्ज क्षेत्रमा सरसफाइ कार्यक्रम सम्पन्न गरेको छ ।

सो क्षेत्रमा प्लास्टिक, सिसाका बोतलसहित करिब ३ ट्याक्टर फोहोर संकलन गरिएको लजले जनाएको छ । लजदेखि ३ किमि तलसम्म गोलाघाटसम्म नदी आसपास क्षेत्रको फोहोर संकलन गरेको लजका फुड एण्ड बेभरेज म्यानेजर तेज थनेतले जानकारी दिएका छन् ।

उनले राष्ट्रिय निकुञ्जको सरसफाइमा सरोकारवाला सबै लाग्नुपर्नेमा जोड दिए । स्थानीय निकायले पनि सफा राख्न भूमिका खेल्नुपर्नेमा उनको भनाइ छ । यस खालको सरसफाइ लजले हरेक वर्ष गर्दै आइरहेको थनेतले बताएका छन् ।

रिसोर्टले वातावरण संरक्षण गर्न र दिगो विकासमा सहयोग गर्न प्रतिबद्ध रहेको समेत जनाएको छ । रिसोर्टले वातावरण संरक्षणलाई विशेष जोड दिएकाले ‘टफ्ट टाइगर’ अन्तर्गत इको सर्टिफाइड लजको समेत मान्यता पाएको छ । बाँकी तस्बिरमा हेर्नुहोस्: