काठमाडौं। नेपाल धितोपत्र बोर्डले आगामी नीति तथा कार्यक्रमका लागि सुझाव मागेको छ । बोर्डले शुक्रबार एक सुचना जारी गर्दै धितोपत्र बजार तथा वस्तु विनियमावली बजार सम्बन्धी आगामी आर्थिक वर्ष २०८१/८२ को नीति तथा कार्यक्रमका लागि राय/सुझाव मागेको हो ।

बोर्डले हरेक वर्ष नीति तथा कार्यक्रम तयार गर्दा सरोकारवाला पक्षहरुसँग राय तथा सल्लाह–सुझाव लिँदै आएको छ । धितोपत्र बोर्डले सूचना जारी गरी आर्थिक वर्ष २०८१/८२ को नीति तथा कार्यक्रम तयार गर्ने कार्य भइरहेको जानकारी पनि गराएको छ ।

सबै सरोकारवालाहरुलाई बजारको विकास तथा सुधारका लागि राय/सुझाव २०८१ जेष्ठ १५ गतेभित्र बोर्डको इमेल मार्फत पठाउन बोर्डले आग्रह गरेको छ।