काठमाडौँ । सरकारले निजी विद्यालय सञ्चालकहरुको संस्था राष्ट्रिय निजी तथा आवासीय विद्यालय एसोसिएसन नेपाल (एन-प्याब्सन) निलम्बन गरेको छ । दिइएको निर्देशन पालना नगरेको भन्दै गृह मन्त्रालयले अर्को निर्णय नभएसम्मका लागि एन-प्याब्सनलाई निलम्बन गरेको हो । 

गृह मन्त्रालयले ‘संगठन निलम्बनसम्बन्धी सार्वजनिक सूचना’ जारी गर्दै ‘राष्ट्रिय निर्देशन ऐन, २०१८’ को दफा ६ को उपदफा (२) बमोजिम एन-प्याब्सन निलम्बन गरेको जनाएको छ ।

गृह मन्त्रालयले सरकारको स्वीकृति लिएर सञ्चालन भए पनि दिइएका निर्देशन नमानेको तथा संगठनका पदाधिकारीले सरकारबाट स्वीकृत विधान तथा संस्थाका मूल्य उद्देश्यविपरीत कार्य गरेको ठहर गरेको छ । 

त्यस्तै, गृह मन्त्रालयले निलम्बनपछि कुनै पनि समूह वा गुटलाई कुनै पनि गतिविधि नगर्न चेतावनी दिएको छ ।