काठमाडौं। बुवा केयर प्रा. ली ले अत्याधुनिक सुविधा सम्पन्न डाइग्नोस्टिक सेन्टर सञ्चालनमा ल्याएको छ। काठमाडौंमा आयोजित एक समारोहकाबीच बुवा केयरले एसियन डाइग्नोस्टिक सेन्टर व्यवस्थापनको जिम्मा लिएको हो ।
अब बुवा केयरका म्यानेजिङ डाइरेक्टर शंकर पोखरेलले संस्थाको अध्यक्षता गर्नेछन् । पोखरेल १६ वर्षको व्यावसायिक बैंकिङ करियरलाई विश्राम दिँदै यस क्षेत्रमा प्रवेश गरेका हुन् ।
नवनियुक्त अध्यक्ष पोखरेलले संस्थाले गुणस्तरीय स्वास्थ्य सेवा सर्वसुलभ दरमा उपलब्ध गराउने, चौबिसे घण्टा ल्याब र फार्मेसी सेवा सञ्चालन गर्ने तथा बिहान ७ बजे देखि बेलुका ७ बजेसम्म वरिष्ठ डाक्टरबाट ओपिडी सेवा समेत शुरु गरेको जानकारी दिएका छन् ।
बुवा केयर प्रा.ली. ले विगत १ वर्ष देखि निःशुल्क रुपमा वृहत स्वास्थ्य शिविरहरू गर्दै आइरहेको छ भने स्थापनाको छोटो समयमै विभिन्न क्षेत्र तथा ठाउँहरूमा कर्पोरेट सामाजिक उत्तरदायित्व अन्तर्गत निःशुल्क रुपमा वृहत स्वास्थ्य शिविर, वृहत आखाँ शिविरहरूको आयोजना गर्दै आइरहेको छ ।
बुवा केयरले विशेष गरी बुवा तथा आमालगायत आफ्ना सदस्यहरूका विशेषज्ञ स्वास्थ्य जाँच, गुणस्तरीय प्याथोलोजिकल चेक जाँच, मनोरञ्जन तथा गुणस्तरीय जीवनयापनमा सहयोग गर्ने गरी आफ्ना विविध प्रकारका सेवाहरू प्रदान गर्दै आइरहेको छ ।
