काठमाडौँ । हिमालयन लघुवित्त वित्तीय संस्था लिमिटेड शाखा कार्यालय विरुवागुठी पर्साले बीमा दाबी रकम भुक्तानी गरेको छ । पर्सा जिल्ला पटेर्वा सुगौली वडा नं.४, महेन्द्रपुर टोलमा रहेको केन्द्र न.०२ की सदस्य लक्ष्मीनिया देवी मुसहरको श्रीमान गणेश माझी मुसहरको मृत्यु पश्चात निज सदस्यलाई बिमाको क्षतिपुर्ति रकम उपलब्ध गराईएको हो ।
सदस्य लक्ष्मीनिया देवी मुसहरले संस्थाबाट दुई लाख कर्जा लिएकोमा सदस्यको श्रीमानको मृत्यु पश्चात संस्थाको नियमानुसार कर्जाको साँवा र ब्याज मिनाहा गरि कर्जा बिमा अन्तर्गत श्रीमानको मृत्यु पश्चात दिइने काजक्रिया खर्च २५ हजार तथा तिरेको किस्ता रकम ४१ हजार ८ सय २८ रुपैयाँ समेत फिर्ता गरी जम्मा रकम एक लाख ८३ हजार एक सय ७२ रुपैयाँ निज सदस्य लक्ष्मीनिया देवी मुसहरलाई एकमुष्ट भुक्तानी गरिएको संस्थाका शाखा प्रबन्धक जितेन्द्र कुमार पासवानले बताए ।
संस्थाले आफना ग्राहक सदस्यहरुको हित तथा संरक्षण गर्न र ग्राहक सदस्यहरुलाई आपतकालिन अवस्थामा सहयोग पुर्याउने उदेश्य अनुरुप आवश्यकता अनुसार विभिन्न कार्यक्रम तथा सहयोग रकम प्रदान गर्दै आइरहेको छ ।
उक्त रकम प्रदान कार्यक्रममा शाखाको तर्फबाट शाखा प्रबन्धक जितेन्द्र कुमार पासवान, शाखाका कर्मचारी गजिन्द्र कुमार पटेल, रामशरण कुमार महरा र राज चौधरीको उपस्थिति रहेको थियो भने केन्द्र न.०२ की सदस्यहरुको उपस्थिति पनि रहेको थियो ।
