काठमाडौं । लिबर्टी माइक्रो लाइफ इन्स्योरेन्सको साधारणसभा सम्पन्न भएको छ । इन्स्योरेन्सको साधारण सभा साउन ३१ गते कम्पनीको प्रधान कार्यालय न्यूरोड–०८, पोखरामा सम्पन्न भएको हो ।
सभाले आइपीओ जारी गर्ने प्रस्ताव पारित गरेको छ । आइपीओ निष्काशनका लागि आवश्यक पर्ने सम्पूर्ण कार्य गर्न संचालक समितिलाई अख्यितारी प्रदान गर्ने प्रस्ताव पनि पारित भएको छ ।
कम्पनीले जारी पूँजीको ३० प्रतिशत अर्थात् २२ करोड ५० लाख रुपैयाँ बराबरको १०० रुपैयाँ अंकित मूल्यमा २२ लाख ५० हजार कित्ता सेयर निष्काशन गर्ने जनाएको छ ।
सभामा कम्पनीका अध्यक्ष लगायत संचालक, सेयरधनी, सेयरधनीका प्रतिनिधि, कम्पनी सचिव, कम्पनीका प्रमुख कार्यकारी अधिकृत लगायत कम्पनीका कर्मचारीहरुको उपस्थिति रहेको थियो ।
