काठमाडौँ । साताको कारोबारको चौथो दिन बुधबार सेयर बजार मापक नेप्से परिसूचक बढेको छ । आज नेप्से परिसूचक ३.८० अंकले बढेर २७८६ .४० बिन्दुमा पुगेको हो ।

बुधबार नेप्सेमा कुल ३ सय २६ कम्पनीको ३ करोड ५० लाख ७ हजार ३९ कित्ता सेयर खरिद बिक्री हुँदा १३ अर्बमाथिको सेयर कारोबार भएको छ ।

आज सबैभन्दा धेरै कारोबार चन्द्रागिरि हिल्स लिमिटेडको भएको छ । यस कम्पनीको ४३ करोड ७ लाख ८६ हजार ९ सय ४९ रुपैयाँ ६० पैसा बराबरको सेयर कारोबार भएको छ ।

त्यस्तै, लिबर्टी इनर्जी कम्पनीका लगानीकर्ताले सबैभन्दा धेरै नाफा कमाएको छन् । यस कम्पनीको सेयर मूल्यमा पोजेटिभ सर्किट लागेको हो ।