काठमाडौँ । हालैको बाढीपहिरामा परी २३३ जनाको मृत्यु भएको छ । गृहमन्त्रालयले सार्वजनिक गरेको तथ्यांकअनुसार हालसम्म देशभर थप २२ जना बेपत्ता छन् ।

त्यस्तै, अन्य १६९ जना घाइते भएको गृह मन्त्रालयका प्रवक्ता ऋषिराम तिवारीले जानकारी दिएका छन् ।

तिवारीका अनुसार हालसम्म बाढीपहिरो प्रभावित क्षेत्रबाट १७ हजार १२० जनाको उद्धार गरिएको छ । हाल बाढीपहिरो प्रभावित क्षेत्रमा उद्धार तथा राहत वितरणको तयारी भइरहेको गृह मन्त्रालयले जनाएको छ ।

सरकारले उद्धार र सहायता परिचालनलाई उच्च प्राथमिकता दिएको तथा अवरुद्ध राजमार्ग मर्मतसम्हार गरी यातायातका साधन सञ्चालन गर्न अथक प्रयास गरिरहेको छ ।