काठमाडौँ । हालै नेपालमा आएको विनाशकारी बाढी र पहिरोले हजारौंलाई प्रभावित पारेको छ । जनधनको ठूलो क्षति भएका यस विपद्का पीडितहरूको सहयोगका लागि विभिन्न राष्ट्रिय तथा अन्तराष्ट्रिय संस्थाहरूले सहयोग जुटाइरहेका छन् ।

यसैबीच भारतीय कम्पनी एलआईसी नेपाल लिमिटेड, नेपाल एसबीआई बैंक लिमिटेड, र द ओरियन्टल इन्स्योरेन्स कम्पनी लिमिटेडले नेपाल सरकारको प्रधानमन्त्री राहत कोषमा योगदान गरेका छन् ।

यी तीन ठूला भारतीय कम्पनीहरूले आपसमा सहकार्य गर्दै बाढी र पहिरोबाट प्रभावित नागरिकहरूको राहत र पुनर्स्थापनाका लागि महत्वपूर्ण आर्थिक सहयोग उपलब्ध गराएका हुन् । राहतकोषमा आएको यो योगदानले पीडितहरूको तत्कालीन आवश्यकताहरू पूरा गर्न सहयोग पुग्ने विश्वास व्यक्त गरिएको छ ।

प्रधानमन्त्री राहत कोषले नेपालमा बाढी, पहिरो तथा अन्य प्राकृतिक प्रकोपहरूबाट पीडित व्यक्तिहरूको जीवन पुनःनिर्माणका लागि आवश्यक सहयोग पु¥याउने भूमिका खेलिरहेको छ । भारतीय कम्पनीहरूको यो पहलले नेपाल र भारतबीचको द्विपक्षीय सम्बन्धलाई थप सुदृढ बनाउने विश्वास गरिएको छ।