काठमाडौँ । नेपालको अग्रणी आर्थिक डिजिटल पत्रिका अर्थ सरोकार डटकमको सम्पादकमा सुदर्शन श्रेष्ठ नियुक्त भएका छन् ।
अर्थ सरोकार डटकम सञ्चालक कम्पनी शुभम् मिडिया प्रालिको आइतबार बसेको सञ्चालक समितिको बैठकले उनलाई सम्पादकमा नियुक्त गरेको हो ।
पछिल्लो समय श्रेष्ठ अर्थ सरोकारको सह-सम्पादकका रुपमा कार्यरत थिए । अर्थ सरोकार डटकममा विगत ४ बर्षदेखि कार्यरत श्रेष्ठसँग रेडियो, टेलिभिजन र अनलाइनमा काम गरेको अनुभव छ ।
नवनियुक्त सम्पादक श्रेष्ठलाई प्रधान सम्पादक सुरज प्याकुरेलले स्वागत गरे । श्रेष्ठ नेतृत्वको समूहले अर्थ सरोकारलाई थप उचाईमा पुर्याउने विश्वास व्यक्त गर्दै प्याकुरेलले उनलाई सफल नेतृत्वदायी भूमिकाका लागि शुभकामनासमेत दिए ।
