काठमाडौँ । सिटिजन्स ब्रोकर (ब्रोकर नम्बर ९१)ले ‘जेन-जी अफर’ सार्वजनिक गरेको छ । कम्पनीले जेन-जी समूहलाई लक्षित गर्दै ‘जेन-जी अफर’ सार्वजनिक गरेको हो । 

कम्पनीको ‘जेन-जी अफर’ अन्तर्गत २०८२ मंसिरभित्र सिटिजन्स ब्रोकरमा डिम्याट र मेरो सेयर खाता खोल्नेलाई आजीवन निःशुल्क नवीकरणको सुविधा दिइनेछ । 

उक्त अफरका लागि जेन-जी उमेर समूहका युवाहरु आफ्नो नागरिकता र मतदाता परिचय पत्र लिएर ब्रोकरको कार्यालयमा जानुपर्नेछ भने मंसिर २९ गतेभित्र मेरो सेयर र डिम्याट खाता खोल्नुपर्नेछ । 

हाल ब्रोकरले काठमाडौँको कुपण्डोलमा मुख्यालय र बुटवलको कालिकानगरस्थित शाखा कार्यालयबाट सेवा दिँदै आएको छ ।