काठमाडौँ । अर्घाखाँचीमा पनि राष्ट्रिय स्वतन्त्र पार्टी (रास्वपा) का हरि भुसाल विजयी भएका छन् । प्रतिद्धन्दी नेकपा एमालेका पिताम्बर भुसाललाई १२ हजारभन्दा बढी मतान्तरले पराजीत गर्दै उनी विजयी भएका हुन् ।

भुसालले ३५ हजार २३ मत प्राप्त गरेका छन् । उनले सो बराबर मत ल्याउँदा नेकपा एमालेका पिताम्बर भुसालले २२ हजार ६ सय ४९ मत ल्याएका छन् ।

त्यस्तै, अर्घाखाँचीमा नेपाली कांग्रेसका विष्णुप्रसाद खनालले १८ हजार ९८३ र नेपाली कम्युनिस्ट पार्टीका रामबहादुर चौहानले ३ हजार ८ सय ४७ मत प्राप्त गरेका छन् ।