काठमाडौँ । चुनावको मुखमा काठमाडौँ लगायत विभिन्न ठाउँका पेट्रोल पम्पमा व्यापक भीड लागेको छ । एकाएक पेट्रोलियम पदार्थको ‘सर्टेज’ हुने अफवाह फैलिएपछि पेट्रोल पम्पहरुमा सर्वसाधारणको व्यापक भीड लागेको हो ।

यसो त चुनावमा पेट्रोलियम पदार्थ नपाइने हल्ला सोमबारदेखि नै चलेको थियो । 

तर, नेपाल आयल निगमले भने निर्वाचनमा पनि इन्धन नियमित हुने बताएको थियो । यद्यपि अहिले काठमाडौँका विभिन्न पेट्रोल पम्पमा सवारी साधनको लामो लाइन लागेको छ । अझ कतिपयले त जार र जर्किन नै लिएर पनि पेट्रोल पम्प पुगेका छन् । बाँकी तस्विरमा हेर्नुहोस्ः