काठमाडौँ । प्रभु बैंकका सिइओ फरार भएका छन् । बैंकका सिइओ सुमन शर्मासहित चार जनाविरुद्ध ठगी तथा आपराधिक विश्वासघातसम्बन्धी मुद्दामा सम्पर्कविहीन भएका हुन् ।

स्रोतका अनुसार बुधबार नै प्रहरीले उनलाई पक्राउ गर्ने तयारी गरेको थियो । तर, पक्राउको तयारीबारे थाहा पाएपछि उनी फोर्स लिभ लिएर पर्सा हिँडेका थिए।  उनी बैंकमा फोर्स लिभको इमेल एचआरलाई लेख्न लगाएर पर्सा हिँडेका थिए ।

पर्सा जिल्ला अदालतमा अञ्जली इन्टरनेसनलले दायर गरेको मुद्दामा तत्कालीन सनराइज बैंकका सिइओसहित तीन जना कर्मचारीलाई प्रतिवादी बनाएको छ । तत्कालीन सनराइजका  नायब प्रबन्धक केदार सिंह, वरिष्ठ अधिकृत सुबोध जोशी र कर्जा प्रशासनमा कार्यरत नायब प्रबन्धक रवीन्द्र केसीविरुद्ध मुद्दा दायर भएको हो ।

तत्कालीन सनराइज बैंकबाट ३ करोड ८९ लाख ९४ हजार रुपैयाँ कर्जा स्वीकृत भए पनि धितो लिलामी गर्दासमेत ऋण नपाएको अभियोगपत्रमा उल्लेख छ ।

यता बैंकका सूचना अधिकारी रविन्द्र ढकालले भने यसबारे आफूलाई थाहा नभएको दाबी गरेका छन् ।