काठमाडौं । गत आर्थिक वर्षको चौंथो त्रैमासमा गुराँस लघुवित्त वित्तीय संस्थाले २ करोड २० लाख रुपैयाँ खुद नाफा कमाएको छ । कम्पनीको नाफा अघिल्लो वर्षको भन्दा ५१४.७६% ले धेरै हो । अघिल्लो वर्ष कम्पनीले ३५ लाख ८९ हजार रुपैयाँ मात्र नाफा कमाएको थियो ।

सार्वजनिक वित्तीय विवरण अनुसार कम्पनीको प्रतिसेयर आम्दानी २२ रुपैयाँ १६ पैसाले बढेर २६ रुपैयाँ ४६ पैसा पुगेको छ भने  प्रतिसेयर नेटवर्थ भने १४७ रुपैयाँ ५५ पैसा छ । यस्तै खुद ब्याज आम्दानी ६९.६२% र सञ्चालन नाफा ५००% ले बढेको कम्पनीले जनाएको छ ।

असारसम्म २० करोड ५७ लाख रुपैयाँ निक्षेप संकलन गरेको कम्पनीले १ अर्ब २ करोड रुपैयाँ कर्जा लगानी गरेको छ । हाल यस कम्पनीको चुक्ता पूँजी ८ करोड ३४ लाख रुपैयाँ रहेको छ भने रिजर्भ कोषमा ३ करोड ९६ लाख रुपैयाँ रहेको छ ।