काठमाडौँ । बैंकिङ कसूरको मुद्दामा फरार रहेका प्रतिवादी पक्राउ परेका छन् । केन्द्रीय अनुसन्धान ब्यूरोबाट खटिएको टोलीले महालक्ष्मी स्थानबाट शनिबार ४२ वर्षीय चिरायु खालिङ्लाई पक्राउ गरेको हो । उनीमाथि उच्च अदालत पाटनले सो मुद्दामा २०७७/११/१० गते ६ दिन कैद र १५ लाख ५० हजार जरिवाना सुनाएको थियो ।
त्यसपछि उनि फरार भएका थिए । उनले आफ्नो खातामा पर्याप्त मौज्दात रकम नभएको भन्ने जानी-जानी जाहेरवालालाई झुक्यानमा पारी सेन्चुरी कमर्सियल बैंकको चेक काटेर दिएका थिए । खालिङ्माथि बैंकिङ कसूर तथा सजाय ऐन २०६४ बमोजिमको कसूरमा सजाय हुने गरी फैसला भएको छ ।
