काठमाडौं । नेपाल लाइफ इन्स्योरेन्सको नाफामा सामान्य वृद्धि भएको छ । कम्पनीले गत आर्थिक वर्षको चौथो त्रैमाससम्म आइपुग्दा १.०४% ले खुद नाफा बढाएर ५३ करोड ५९ लाख ४३ हजार रुपैयाँ कमाएको जानेको हो ।अघिल्लो वर्ष सोहि अवधिमा सो कम्पनीले ५३ करोड ३ लाख ७९ हजार रुपैयाँ खुद नाफा कमाएको थियो ।

यसमा कम्पनीले बिमांकीय मूल्यांकनपछि प्राप्त हुने मुनाफा भने गणना नगरेको जनाएको छ । असार मसान्तसम्म यस कम्पनीको जीवन बिमा कोषको आकार २९.२८% ले बढेर १ खर्ब १२ अर्ब ५१ करोड २९ लाख २४ हजार रुपैयाँ पुगेको छ भने खुद बिमा शुल्क आर्जन १६.९३% ले बढेर ३१ अर्ब ९६ करोड ९३ लाख ८९ हजार रुपैयाँ पुगेको छ ।

यद्यपि जगेडा कोष भने घटेको कम्पनीले जनाएको छ । बिमांकीय मूल्यांकनभन्दा अघिको प्रतिसेयर आम्दानी ७ रुपैयाँ ४४ पैसा र प्रतिसेयर नेटवर्थ १२२ रुपैयाँ ३० पैसा रहेको छ ।