काठमाडौं । गत आर्थिक वर्षको चौथो त्रैमासमा नेपाल सनराइज बैंकले १ अर्ब ५० करोड रुपैयाँ खुद नाफा कमाएको छ । यो नाफा अघिल्लो वर्षको भन्दा १०.५५% धेरै हो । अघिल्लो वर्ष बैंकले १ अर्ब ३५ करोड रुपैयाँ खुद नाफा कमाएको थियो ।

यस्तै बैंकले असार मसान्तसम्म आइपुग्दा प्रतिसेयर आम्दानी १५ रुपैयाँ ८४ पैसा र प्रतिसेयर नेटवर्थ १५६ रुपैयाँ २६ पैसा रहेको जनाएको छ । बैंकको वितरणयोग्य नाफा पनि १३.६९% ले बढेर ६० करोड १५ लाख रुपैयाँ कायम भएको छ ।

असार मसान्तसम्ममा बैंकको खुद ब्याज आम्दानी ८.७७% ले घटेको छ भने सञ्चालन नाफा १८.९१% ले बढेको छ । यस्तै बैंकको निक्षेप संकलन १७.९६% ले घट्दा कर्जा लगानी भने २४% ले बढेको छ ।