काठमाडौं । साताको कारोबारको चौथो दिन बुधबार नेप्से दोहोरो अंकले बढेको छ । मंगलबारको तुलनामा नेप्से परिसूचक ३८.२८ अंकले बढेर ३१९८.६० बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज कुल २२८ कम्पनीको ३ करोड ६५ लाख ९ हजार ७५१ कित्ता सेयर खरिद बिक्री हुँदा २१ अर्ब ३१ करोड ३४ लाखमाथिको कारोबार भएको छ ।

आज सबैभन्दा बढी कारोबार नेशनल हाइड्रोपावर कम्पनीको भएको छ । यस कम्पनीको ७८ करोड ८६ लाख बढीको सेयर कारोबार भएको छ । आज ३ समूहबाहेकका सबै समूह बढेका छन् । यस्तै आज सबैभन्दा धेरै शिवम सिमेन्टका लगानीकर्ताले कमाएका छन् । साथै आज विकास बैंक समूह सबैभन्दा धेरै अंकले बढेको छ ।