काठमाडौं । अपि पावर कम्पनीको १८औं वार्षिक साधारणसभा भदौ २५ गते हुने भएको छ । सभा कम्पनीको प्रधान कार्यालय ट्रेड टावर थापाथलीमा बिहान ११ बजे हुने भएको हो । सभामा आर्थिक वर्ष २०७७/७८ को मुनाफाबाट १०.५% बोनस र कर प्रयोजनका लागि ०.५५% नगद लाभांश वितरण गर्ने प्रस्ताव पेश गरिने भएको छ ।
सभाका लागि यस कम्पनीले भदौ १८ देखि २४ गतेसम्म बुक क्लोज गर्ने भएको छ । भदौ १७ गते बिहीबारसम्म कायम सेयरधनीले बोनस सुरक्षित गर्न सक्नेछन् । यता बोनस वितरणपश्चात कायम चुक्ता पूँजीबाट ३९% हकप्रद सेयर निष्कासन गर्ने प्रस्ताव पनि छ ।
यस्तै आर्थिक वर्ष २०७७/७८ को वार्षिक प्रतिवेदन र सोही अवधिसम्मको नाफा नोक्सान सम्बन्धीलगायतका प्रस्तावमा छलफल हुनेछ ।
