- अर्थ सरोकार सम्बाददाता
काठमाडौँ । जीवन विकास लघुवित्त वित्तीय संस्थालाई आईपीओ निष्काशन गर्न नेपाल धितोपत्र बोर्डले अनुमति दिएको छ । लघुवित्तलाई १९ लाख ७७ हजार ३०० कित्ता अर्थात १९ करोड ७७ लाख ३० हजार रुपैयाँ बराबरको आईपीओ निष्काशन गर्न बोर्डले जेठ ३० गते अनुमति दिएको हाे ।
आईपीओ निष्काशनपछि कम्पनीको चुक्ता पूँजी ६० करोड ८४ लाख रुपैयाँ पुग्नेछ । कम्पनीको आईपीओलाई इक्रा नेपालले ‘इक्राएनपी-आइआर बीबीबी (त्रिपल बी) रेटिङ्ग प्रदान गरेको छ । यसले समयमा नै दायित्व पुरा गर्न सकिने औषत जोखिम रहेको जनाउँछ। आईपिओ निष्काशन तथा बिक्री प्रबन्धक एनएमबी क्यापिटल रहेको छ।
