• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार नेप्से बढेको छ । बुधबारको तुलनामा बजार १५.९१ अंकले बढेर २१९४.४८ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज २०८ कम्पनीको १ करोड १७ लाख ६७ हजार ४९२ सय कित्ता सेयर खरिद बिक्री हुँदा ५ अर्ब ८७ करोडमाथिको कारोबार भएको छ । 

आज सबैभन्दा बढी कारोबार प्रभु बैंकको भएको छ । यस बैंकको ३१ करोड ७१ लाखमाथिको कारोबार भएको छ । त्यसपछि कारोबार क्रमश: नेपाल पुनर्बीमा कम्पनी र चिलिमे जलविधुत कम्पनीको भएको छ । आज १ समूहबाहेकका अरु सबै समूह बढेका छन् । यस्तै आज सबैभन्दा धेरै मल्टिपर्पस फाइनान्सका लगानीकर्ताहरुले कमाएका छन् ।