काठमाडौं । जिल्ला अदालत ललितपुरले नेपाल बहुउद्देश्यीय केन्द्रीय सहकारी संघलाई साधारणसभा नगर्न आदेश दिएको छ । अदालतले सदस्या विवाद र कोरोना संक्रमणको कारण देखाउँदै यस्तो आदेश दिएको हो । संघले उपाध्यक्ष नारायण भक्त श्रेष्ठसमेतलाई विपक्षी बनाई मुद्दा दायर गरेको थियो ।
पौष २९ गतेको लागि बोलाइएको निर्वाचनसहितको कम्पनीको साधारणसभाको विवाद नियामक निकाय सहकारी विभागसम्म पुगेको थियो । नियामक निकाय सहकारी विभागले पौष मसान्त भित्रै साधारण सभा गर्न लिखित निर्देशन समेत दिएको छ । संस्थामा संचालकहरुबीच सदस्यता दिने विषयमा विवाद उत्पन्न भएको थियो ।
सहकारी विभागमा केही सञ्चालकले पुस २० गते उजुरी दिएका थिए । उजुरी परेपछि सहकारी विभागले संघलाई पत्र काटेर पुष मसान्त भित्रै साधारणसभा गरी सो को जानकारी दिन निर्देशन दिएको थियो । तर संस्थाले भने तोकिएको समयमा साधारण सभा गर्न नसकिने सूचना जारी गरेको थियो ।
