काठमाडौं । नेपाल इन्भेष्टर्स फोरमले तरलता संकट देखाउँदै सम्पूर्ण लगानीको क्षेत्रलाई असर पर्ने गरी अत्याधिक वृद्धि गरिएको ब्याजदर यथाशीघ्र पुनरावलोक गर्न माग गरेको छ । फोरमले सोमबार विज्ञप्ति जारी गर्दै यस्तो माग गरेको हो ।

फोरमले बैंक तथा वित्तीय संस्थाहरुले लगानीकर्ताको मर्म र भावना विपरित एकतर्फी रुपमा ब्याजदर वृद्धि गरेको उल्लेख गरेको छ । पूँजी बजारको विकास र विस्तारका लागि सरोकारवाला पदाधिकारी तथा नियामकहरु अझ बढी गम्भीर हुन पनि फोरमले आग्रह गरेको छ ।