• अर्थ सरोकार सम्बाददाता 

काठमाडौं । मितेरी डेभलपमेन्ट बैंकको वार्षिक सधारणसभा पुस २७ गते हुने भएको छ । सभा सुनसरी उद्योग वाणिज्य संघ धरानमा बिहान १०.३० बजे हुने बैंकले जनाएको छ । सभाले गत आर्थिक वर्षको नाफाबाट लगानीकर्तालाई प्रस्ताव गरेको १५% बोनस सेयर र कर प्रयोजनका लागि प्रस्ताव गरेको ०.७९% नगद लाभांश वितरण गर्ने विशेष प्रस्ताव पेश गर्ने भएको छ ।

यस्तै बैंकको प्रबन्धपत्र तथा नियमावलीमा आवश्यक परिमार्जन गर्ने, लेखापरीक्षक नियुक्त गर्ने प्रस्ताव रहेको छ । सभाका लागि बैंकले पुस १४ गतेदेखि २७ गतेसम्म बुक क्लोज गर्दैछ । पुस १३ गतेसम्म कायम सेयरधनीले लाभांश सुरक्षित गर्न सक्नेछन् ।