काठमाडौं । ग्रीन डेभलपमेन्ट बैंकको नवौं वार्षिक साधारणसभा सम्पन्न भएको छ । बैंकको सभा होटल बाराही पोखरामा सम्पन्न भएको हो । सभाले कम्पनी र अन्य उपयुक्त बैंक तथा वित्तीय संस्थाहरु एक आपसमा गाभ्ने गाभिने वा प्राप्तिको लागि आवश्यक कार्यहरु गर्नका लागि सञ्चालक समितिलाई अख्तियारी प्रदान गर्ने प्रस्ताव पारित गरेको छ ।
यस्तै सभाले आर्थिक वर्ष २०७७/७८ को वार्षिक प्रतिवेदन छलफल गरी पारित गर्ने गर्नुका साथै आर्थिक वर्ष २०७८/७९ को लागि लेखापरिक्षकको नियुक्त र निजको पारिश्रमिक निर्धारण गर्ने प्रस्ताव पनि पारित गरेको छ । यस वर्ष कम्पनीले लाभांश प्रस्ताव गरेको छैन् ।
बैंकले गत वर्ष ३.८० प्रतिशत बोनश सेयर र कर प्रयोजनका लागि ०.२० प्रतिशत नगद लाभांश गरी कुल ४ प्रतिशत लाभांश वितरण गरेको थियो ।
