काठमाडौं । जाल्पा सामुदायिक लघुवित्त वित्तीय संस्थाको सेयर रजिष्ट्रारमा प्रभु क्यापिटल नियुक्त भएको छ । अब कम्पनीको धितोपत्र कारोबार सम्बन्धी अभिलेख राख्ने, दाखिला खारेज, नामसारी, रोक्का राख्ने लगायतका शेयरधनीहरुको लगत अद्यावधिक गरी राख्ने सम्बन्धी सम्पूर्ण काम प्रभु क्यापिटल लिमिटेडबाट हुने भएको हो ।

कम्पनीले माघ २१ गतेदेखि २५ गतेसम्म सर्वसाधारणमा आइपीओ निष्कासन गरेको थियो । कम्पनीले सर्वसाधारणका लागि छुट्याएको कुल कित्ता आइपीओमध्ये ८ हजार कित्ता कर्मचारीहरुका लागि र २६ हजार १०० कित्ता सामूहिक लागानी कोषहरुमा र ४ लाख ८७ हजार ९०० कित्ता आइपीओ अन्य सर्वसाधारणमा बाँडफाँड गरेको थियो ।

सेयर बाँडफाँडपछि कम्पनीको चुक्ता पूँजी १६ करोड पुगेको छ ।