काठमाडौं । नेपाल बैंकर्स संघले अत्यावश्यकबाहेकको सामग्रीको आयातका लागि प्रतितपत्र (एलसी) नखोल्ने निर्णय गरेको छ । आज आइतबार बसेको संघको बैठकले निजी गाडी, ड्राई फूड, फर्निचर, चुरोट, रक्सी, सजावटका सामग्री, पर्फ्युम, मोबाइललगायत सामाग्री आयातका लागि प्रतितपत्र (एलसी) नखोल्ने निर्णय गरेको हो ।

साथै सो बैठकले वैशाख महिनाका लागि निक्षेपको ब्याजदर स्थिर राख्ने निर्णय गरेको छ । राष्ट्र बैंकले केहि दिन अघि मात्रै वाणिज्य बैंकका सीइओहरुलाई बोलाएर बढ्दो आयातका कारण विदेशी मुद्रा बाहिरिने क्रम बढेको र विदेशी मुद्राको सञ्चिति घट्दा अर्थतन्त्र समस्यामा पर्न सक्ने भन्दै विलासिताका वस्तुहरुको आयातको लागि एलसी नखोल्न निर्देशन दिएको थियो ।