काठमाडौं । देशकै नम्बर १ बैंकको रुपमा दाबी गर्ने एनआइसी एशिया बैंकले गत आर्थिक वर्षको चौथो त्रैमाससम्मको वित्तीय विवरण सार्वजनिक गरेको छ । बैंकले सार्वजनिक गरेको वित्तीय विवरण अनुसार गत आर्थिक वर्ष २०७८–७९ मा बैंकको खुद नाफामा ३९ प्रतिशतले वृद्धि भएको छ । अर्थात, सो अवधिमा बैंकले कुल ४.५३ अर्ब आर्जन गर्न सफल भएको छ ।

कर्जा असुलीमा उत्साहजनक नतिजा !
एकपछि अर्को हुँदै विभिन्न तबरबाट नम्बर १ बनेको एनआइसी एशिया बैंकले गतवर्ष कर्जा असुलीमा समेत उत्साहजनक नतिजा हासिल गरेको छ । बैंकले निष्कृय कर्जालाई ०.४९ प्रतिशतमा सिमित राख्न सफल भएको वित्तीय विवरणमार्फत जनाएको छ । बैंकको स्व–पूँजीमा प्रतिफल (REO) १९.६५ प्रतिशत रहेको छ । त्यस्तै, प्रतिशेयर आम्दानीतर्फ रू. ३९.१३ आर्जन गर्न बैंक सफल भएको छ भने बैंकको कुल पूँजी पर्याप्तता अनुपात १३.५१ प्रतिशत रहेको छ ।

त्यस्तै बैंकले शेयरधनीहरुको उद्देश्यलाई केन्द्रमा राखी आर्थिक वर्ष ०५६-०५७ मा १ कित्ता बराबरको साधारण शेयरमा लगानी गर्ने शेयरधनीको हालसम्म आइपुग्दा उक्त शेयर संख्या १३.१२ कित्ता पुगेको जसको प्रतिफल आजको बजार मुल्यमा रु. ९,५२०.९७ बराबर प्रदान गर्न हामी सफल भएको दाबी गरेको छ ।