काठमाडौं । नेप्सेमा आजबाट शुक्रबार कारोबार नहुने भएको छ । आज इन्द्र जात्राको अवसरमा सरकारले उपत्यकामा सार्वजनिक विदा दिएपछि शुक्रबार सेयर कारोबार नुहने भएको हो भने अर्को सातादेखि शुक्रबार कारोबार नगर्नेगरी नेप्सेले निर्णय गरिसकेको छ । अर्थात गत शुक्रबारको कारोबार नै अन्तिम शुक्रबारको कारोबार भएको छ ।
आज बन्द भएको सेयर कारोबार अव आइतबार ११ बजे खुल्नेछ ।
यसअघि सरकारले शनिबार र आइतबार सार्वजनिक विदा दिने भएपछि नेप्सेले शुक्रबार पनि कारोबार सुरु गरेको थियो । पछि सरकारले आइतबारको बिदा खारेज गरेपनि नेप्सेले भने शुक्रबारको कारोबारको समय घटाए पनि बन्द गरेको थिएन । पछि चौतर्फी रुपमा शुक्रबारको कारोबार बन्द गर्न नेप्सेलाई दबाब आएपछि नेप्सेले यस विषयमा निर्णय गरेर शुक्रबारको कारोबार बन्द गरेको हो ।
