काठमाडौँ । बैंकिङ कसूर मुद्दाका फरार प्रतिवादी पक्राउ परेका छन् । काठमाडौँ जिल्ला टोखा नगरपालिका ११, गंगबु भण्डारी गाउँ बस्ने ३४ वर्षीय रोशन भण्डारी सो कसूरमा पक्राउ परेका हुन् ।
उच्च अदालत पाटनले भण्डारीमाथि मिति २०७९/०३/१३ गते बैंकिङ कसूर तथा सजाय ऐन २०६४ बमोजिम ४ दिन कैद, ५ लाख ५० हजार जरिवाना र २२ हजार क्षेतिपुर्ति सुनाएको थियो ।
उनलाई अपराध अनुसन्धान विभागबाट खटिएको प्रहरी टोलीले मिति २०७९/०६/२६ गते काठमाडौँ जिल्ला टोखा नगरपालिका गंगबुबाट पक्राउ गरी फैसला कार्यान्वयनका लागि ललितपुर जिल्ला अदालत पठाइएको प्रहरीले जनाएको छ ।
