काठमाडौं । बिमा कम्पनीको अनुगमन गर्ने संस्था बीमा समिति मंगलबारदेखि नेपाल बीमा प्राधिकरणमा रुपान्तरण भएको छ । गत असोज २३ गते राष्ट्रपति विद्यादेवी भण्डारीबाट प्रमाणिकरण भएको बीमा ऐन २०७९ अनुसार हालको बीमा समिति नेपाल बीमा प्राधिकरणमा रुपान्तरण भएको हो । भदौमा संघीय संसदबाट पारित भएको बीमा विधेयक असोज २२ गते राष्ट्रपति विद्यादेवी भण्डारीबाट प्रमाणीकरण भएको थियो ।

समितिले बीमा प्राधिकरणको नामसहित नयाँ लोगो सार्वजनिक गरेको छ । यो सँगै बीमा समितिले गर्दै आएका सम्पुर्ण काम अब प्राधिकरणमार्फत हुनेछन् । समितिमा एक कार्यक्रमकाबीच समिति प्राधिकरणमा रूपान्तरण भएको औपचारिक घोषणा भएको हो ।

सोहि कार्यक्रमकाबीच नेपाल बीमा प्राधिकरणका अध्यक्ष सूर्य प्रसाद सिलवालले आगामी मंसिर महिनामा अधिकांश बीमा कम्पनी मर्जरमा जाने बताएका छन् । मंगलबार प्राधिकरणको उद्घाटन गर्दै अध्यक्ष सिलवालले बीमा क्षेत्रको सुदृृढिकरण र आवश्यकतालाई ध्यानमा राख्दै मंसिरमा मर्जर प्रक्रियाले गति लिने बताएका हुन् ।  बाँकी तस्विरमा हेर्नुहोस् :