- अर्थ सरोकार सम्बाददाता
काठमाडौं । प्रभु इन्स्योरेन्सले चालु आर्थिक वर्षको पहिलो त्रैमासमा ५ करोड ६३ लाख ६२ हजार रुपैयाँ नाफा कमाएको छ । इन्स्योरेन्सको यो नाफा गत वर्षको सोहि अवधिको तुलनामा ३७.३४% ले धेरै हो । इन्स्योरेन्सले गत वर्षको यसैअवधिमा ४ करोड १० लाख ३८ हजार रुपैयाँ नाफा कमाएको थियो ।
कम्पनीको खुद बिमा शुल्क र बिमा कोषको आकार बढेकाले खुद नाफामा सकारात्मक प्रभाव परेको देखिन्छ । यस्तै कम्पनीको खुद बिमा शुल्क ३१.२०% ले बढेर २२ करोड २९ लाख ४ हजार रुपैयाँ पुगेको छ । अघिल्लो वर्षको यसैअवधिमा इन्सुरेन्सले १६ करोड ९८ लाख ९१ हजार रुपैयाँ खुद बिमा शुल्क आर्जन गरेको थियो ।
यता कम्पनीको बिमा कोषमा ७० करोड ५७ लाख ६० हजार रुपैयाँ पुगेको छ । कम्पनीले यो अवधिसम्म आउँदा कुल ९ करोड ३९ लाख ५८ हजार रुपैयाँ दाबी भुक्तानी गरेको छ भने भुक्तानी हुन बाँकी रकम १३ करोड ३३ लाख ६ हजार रुपैयाँ छ । कम्पनीको प्रतिसेयर आम्दानी ५ रुपैयाँ र प्रतिसेयर नेटवर्थ १९८ रुपैयाँ छ ।
