काठमाडौं । अमेरिका लगायतका देशमा पठाइदिन्छु भन्दै रकम ठगी गर्ने व्यक्ति पक्राउ परेका छन् । ललितपुर जिल्ला वडा नं. १ कुपन्डोल स्थाई बतन भई काठमाडौंको बुडानिलकण्ठ वडा नं. ८ ओमनगर बस्ने ४४ वर्षीय राजेश थापा पक्राउ परेका हुन् ।
थापाले विभिन्न व्यक्तिहरुलाई वैदेशिक रोजगारीका लागी अमेरिका, अस्ट्रेलिया, क्यानाडा तथा हङकङ लगायतका देशमा पठाइदिने र सम्बन्धित देशमा पुगेपछि ३ लाख मासिक तलब हुने भनि प्रलोभनमा परी प्रतिव्यक्ति २५ लाख रकम ठगेको प्रहरीले जनाएको छ । उनले पटकपटक गरी पिडितहरुबाट १ करोड ६२ लाख ६ हजार रकम ठगी गरी सम्पर्क बिहिन भएका थिए ।
काठमाडौं उपत्यका तथा अनुसन्धान कार्यालयबाट खटिएको प्रहरी टोलिले थापालाई पुस १३ गते काठमाडौंको लैनचौरबाट पक्राउ गरेको जनाएको छ । उनलाई मुलुकी अपराध संहिता २०६४ को परिच्छेद २१ को दफा २४९ (१) र (२) बमोजिमको कसुरमा कानुनी कारवाही गरी सोहि संहिताको दफा २५४ बमोजिम थप अनुसन्धान तथा कारवाहीका लागी जिल्ला प्रहरी परिसर टेकु, काठमाडौं पठाइएको प्रहरीले जानाएको छ ।
