">
काठमाडौं । इलेक्ट्रिक कार निर्माता कम्पनी टेस्लाका मालिक एलन मस्क गिनिज विश्व रेकर्डमा दर्ता भएका छन् । सबैभन्दा धेरै सम्पत्ति गिरावट भोग्ने व्यक्तिका रुपमा मस्क विश्व रेकर्डमा दर्ता भएका हुन् ।
अन्तराष्ट्रिय सञ्चार माध्यम सीएनबीसीका अनुसार मस्कले सन् २०२२ मा मात्रै १ खर्ब ८२ अर्ब अमेरिकी डलर गुमाएका छन् । सम्पत्तिमा यति ठूलो गिरावट भोग्ने मस्क विश्वकै पहिलो व्यक्ति हुन् ।
यसअघि विश्कै सबैभन्दा धेरै सम्पत्ति गुमाउनेको पहिलो नम्बरमा जापानका मासायोशी सन रहेका थिए । मासायोशीले सन् २००० मा ५८.६ अर्ब डरल सम्पत्ति गुमाएका थिए । त्यस्तै, अमेजनका संस्थापक जेफ बेजोसले सन् २०२२ मा ८० अर्ब डलर गुमाउदा मेटाका सीईओ मार्क जुकरबर्गले ७८ अर्ब डलर गुमाएका छन् । तर, ट्वीटरका मालिक समेत रहेका एलक मस्कले अघिल्लका सबै रेकर्ड तोडेका छन् ।
फोब्र्सको तथ्याकंलाई आधार मानेर गिनिजले मस्कलाई विश्व गिनिज रेकर्डमा दर्ता गरेको हो । रियल टाइम बिलिनियरसका अनुसार मस्कको हालको सम्पत्ति १४६.५ बिलियन डलर रहेको छ । यसअघि सन् २०२१ को अन्त्यसम्ममा मस्कको कुल सम्पत्ति ३२० बिलियन डलर रहेको थियो । हाल उनी विश्वकै धनी व्यक्तिको सूचीमा दोस्रो स्थानमा छन् ।
