काठमाडौँ । साताको कारोबारको पहिलो दिन सोमबार सेयर बजार मापक नेप्से परिसूचक घटेको छ । सोमबार नेप्से परिसूचक ३२.६५ अंकले घटेर २६५७.५० बिन्दुमा पुगेको हो ।

नेप्सेमा कुल ३४३ कम्पनीको १ करोड ९८ लाख २२ हजार ३९२ कित्ता सेयर खरिद बिक्री हुँदा रू. ७ अर्ब १८ करोडमाथिको सेयर कारोबार भएको छ । आज सबैभन्दा धेरै कारोबार घलेम्दी हाइड्रो लिमिटेडको भएको छ । यस कम्पनीको ३७ करोड ६३ लाख रुपैयाँ बराबरको कारोबार भएको छ ।

आजको बजारमा बेनी हाइड्रोपावरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य १३ प्रतिशतभन्दा धेरैले बढेको छ ।

यता, सानिमा लार्ज क्याप फण्डका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ४ प्रतिशतभन्दा धेरैले घटेको छ ।