काठमाडौं । कामना सेवा विकास बैंकको नाफा ४३.०१ प्रतिशतले घटेको छ । बैंकले चालु आर्थिक वर्षको दोस्रो त्रैमाससम्को अपरिस्कृत वित्तीय विवरण सार्वजनिक गर्दै गत वर्षको तुलनामा यसवर्ष नाफा घटेको जनाएको हो ।
बैंकले गत आर्थिक वर्षको सोही अवधिमा ३४ करोड ३६ लाख रुपैयाँ खुद नाफा कमाएको थियो । जबकी यसवर्ष बैंकको नाफा घटेर १९ करोड ५८ लाख रुपैयाँमा सिमित भएको छ ।
त्यस्तै, समिक्षा अवधिमा बैंकको खुद ब्याज आम्दानी १२.८८ प्रतिशतले बढेर १ अर्ब २ करोड रुपैयाँ पुगेको छ । सोही अवधिमा बैंकको सञ्चालन नाफा भने ४३.०१ प्रतिशतले घटेको छ । यता, बैंकको इम्पेयरमेन्ट चार्जमा २० प्रतिशतले वृद्धि हुँदै ३० करोड १५ लाख रुपैयाँ पुगेको छ ।
बैंकले सार्वजनिक गरेको वित्तीय विवरण अनुसार हाल कामना सेवा विकास बैंकको कुल चुक्ता पूँजी ३ अर्ब १४ करोड २५ लाख ७७ हजार रुपैयाँ रहेको छ । यो अवधिमा बैंकको खराब कर्जा बढेर ३.७० प्रतिशत पुगेको छ भने प्रतिसेयर आम्दानी (ईपीएस) १२ रुपैयाँ ४७ पैसा कायम रहेको छ । समिक्षा अवधिमा बैंकको प्रतिसेयर नेटवर्थ भने १ सय ५१ रुपैयाँ २१ पैसा रहेको छ ।
