काठमाडौं । स्लोभाकिया पठाइदिन्छु भन्दै रकम ठगी गर्ने व्यक्ति पक्राउ परेका छन् । जिल्ला लमजुङ साबिक सिम्पानी गा.वि.स वडा नं. ३ परिवर्तित मर्स्याङदि गाउँपालिका वडा नं. ९ सिम्पानी स्थाई घर भई हाल काठमाडौं महानगरपालिका वडा नं. ४ सुकेधारा बस्ने ३९ वर्षीय मधुमाया थापा पक्राउ परेकी हुन् ।
उनले वैदेशिक रोजगारीको लागि स्लोभाकिया पठाइदिन्छु, स्लोभाकियामा पुगेपछि प्रतिष्ठित अग्रीकल्चर कम्पनीमा फ्रुट्स किपिंगको काम लगाइदिने र मासिक १ लाख ५० हजार सम्म तलब हुने विश्वास दिलाई प्रलोभनमा परेर रकम ठगी गरेको प्रहरीले जनाएको छ ।
थापाले सम्बन्धित देशमा जना प्रतिव्यक्ति ९ लाख रुपैयाँ लाग्ने भन्दै पिडितहरुबाट पटक पटक गरी ८ लाख ५० हजार ठगी गरी सम्पर्क बिहिन भएको प्रहरीले जनाएको छ । काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले माघ २४ गते सुकेधाराबाट थापालाई पक्राउ गरेको हो ।
पक्राउ परेकी थापालाई थप अनुसन्धान तथा आवश्यक कारवाहीका लागी वैदेशिक रोजगारी विभाग बुद्धनगर, काठमाडौँ पठाईएको छ ।
