काठमाडौँ । सेयर बजार विश्लेषक रामहरि नेपालले अहिलेको सेयर बजार बियरिस नै रहेको बताएका छन् । स्पेस फोके टेलिभिजनमा प्रशारण हुने अर्थ सरोकार डटकमको प्रस्तुती साप्ताहिक टेलिभिजन कार्यक्रम ‘मार्केट टक’मा बोल्दै नेपालले यस्तो बताएका हुन् । उनले यसपटक बुल कन्फर्मेसनको आशा गरिए पनि तत्कालका लागि सो सम्भावना नदेखिएको र अहिलेको बजार बियरिस नै रहेको दाबी गरेका हुन् ।
कार्यक्रममा बोल्दै उनले अहिले नै सेयर किन्नुहोस् भन्ने अवस्था नरहेकोसमेत बताएका छन् । अहिलेको समय बेच्ने समय त झन् हुँदै नभएको तर्क गर्दै उनले सेयर किन्न पनि केहि समय बजारको लय हेर्न र निर्णय गर्न सुझाव दिएका छन् ।
यसअघि बजार घट्दै गर्दा अधिकांस विश्लेषकहरुले बुल नसकिएको दाबी गर्दा नेपालले बियरिस बजार सुरु भईसकेको दाबी गरेका थिए भने उनको सो दाबी मिलेको थियो । विष्णु पौडेल अर्थमन्त्री भएपछि पनि उनले केहि समय बजार माथि जाने बताएका थिए ।
प्रस्तुत छ, उनै नेपालसँग गरिएको यो कुराकानी :
