काठमाडौं । डिप्रोक्स लघुवित्त र आदर्श लघुवित्त वित्तीय संस्थाबीच मर्जर तथा एक्वीजिसनको अन्तिम सम्झौता भएको छ । दुवै संस्थाले सोमबार मर्जर तथा एक्वीजिसनको अन्तिम सम्झौतामा हस्ताक्षर गरेका हुन् ।
भरतपुर महानगरपालिका १० चितवनमा रजिष्टर्ड कार्यालय रहेको डिप्रोक्स लघुवित्तले बनेपा नगरपालिका ७ काभ्रेपलाञ्चोकस्थित आदर्श लघुवित्तलाई १ः१ सेयर स्वाप रेसियोमा प्राप्ति गर्ने भएको हो ।
मर्जर तथा एक्वीजिसनको अन्तिम सम्झौतामा हस्ताक्षर भएसँगै दुवै कम्पनीले सो सम्बन्धमा नेपाल स्टक एक्सचेन्ज (नेप्से)मा जानकारीसमेत पठाएका छन् ।
योसँगै आदर्शको १०० कित्ता सेयर हुनेहरुको एक्विजिसनपछि डिप्रोक्स लघुवित्तको नाममा १०० कित्ता सेयर भएर आउनेछ । दुवै लघुवित्तको फागुन ३० गते सम्पन्न साधारणसभाले पनि प्राप्ति सम्बन्धी प्रस्ताव पारित गरेको छ ।
