काठमाडौं । साताको कारोबारको तेश्रो दिन मंगलबार सेयर बजार मापक नेप्से परिसूचक बढेको छ । सोमबारको तुलनामा नेप्से परिसूचक १०.६६ अंकले बढेर १८४४.३६ बिन्दुमा पुगेको हो ।
मंगलबार नेप्सेमा कुल २६९ कम्पनीको २८ लाख ३६ हजार १ सय ३९ कित्ता सेयर खरिद बिक्री हुँदा ७७ करोडमाथिको सेयर कारोबार भएको छ । आज सबैभन्दा बढी कारोबार हिमाल दोलखा हाइड्रोपावर कम्पनीको भएको छ । यस कम्पनीको ६ करोड ९६ लाख २५ हजार ९ सय १३ रुपैयाँ बराबरको सेयर कारोबार भएको छ ।
यस्तै मंगलबारको सेयर बजारमा पिपुल्स पावर लिमिटेडका लगानीकर्ताहरु मालामाल भएका छन् । यस कम्पनीको सेयर मूल्य ६ प्रतिशत भन्दा धेरैले बढेको हो । यस अलवा कालिन्चोक दर्शन लिमिटेड, सिभिल लघुवित्त वित्तिय संस्था, युनिलिभर नेपाल, आत्मनिर्भर लघुवित्त वित्तिय संस्था र लिबर्टी इनर्जी कम्पनीका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच मंगलबारको सेयर बजारमा सबैभन्दा बढी कारोबार हिमाल दोलखा हाइड्रोपावर कम्पनीको भएको छ । यस कम्पनीको ६ करोड ९६ लाख २५ हजार ९ सय १३ रुपैयाँ बराबरको सेयर कारोबार भएको छ । यस अलावा शिवम् सिमेन्ट, स्वाभिमान लघुवित्त वित्तिय संस्था, नबिल बैंक लिमिटेड, हिमालयन डिष्ट्रिलरी र नेपाल दूरसंचारको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरूको सूचीः
यस्तै सोमबारको सेयर बजारमा युनिक नेपाल लघुवित्त वित्तिय संस्थाका लगानीकर्ताले सबैभन्दा बढी गुमाएका छन् । यो कम्पनीको सेयर मूल्य ८ प्रतिशत भन्दा धेरैले घटेको हो । युनिक नेपालको सेयरमा यस्तो गिरावट आउँदा सिटिजन्स म्युचुअल फण्ड-२, सिद्धार्थ इन्भेस्टमेन्ट ग्रोथ स्किम-२, मनकामना स्मार्ट लघुवित्त र एनआइबिएल ग्रोथ फण्डमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
