काठमाडौं । साताको कारोबारको दोश्रो दिन सोमबार सेयर बजार मापक नेप्से परिसूचक घटेको छ । आइतबारको तुलनामा नेप्से परिसूचक ३.३४ अंकले घटेर १८१८.३१ बिन्दुमा पुगेको हो ।
सोमबार नेप्सेमा कुल २६६ कम्पनीको २३ लाख ४१ हजार २ सय ४० कित्ता सेयर खरिद बिक्री हुँदा ७२ करोडमाथिको सेयर कारोबार भएको छ । आज सबैभन्दा बढी कारोबार एनआइसी एशिया बैंक लिमिटेडको भएको छ । यस कम्पनीको ३ करोड ४ लाख ६७ हजार ४ सय ६९ रुपैयाँ ३० पैसा बराबरको सेयर कारोबार भएको छ ।
यस्तै सोमबारको सेयर बजारमा एनआइबिएल ग्रोथ फण्डका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा आत्मनिर्भर लघुवित्त वित्तिय संस्था, राप्ती हाइड्रो एण्ड जेनेरल, सिभिल लघुवित्त वित्तिय संस्था, नयाँ सारथी लघुवित्त र तेर्हथुम पावर कम्पनीका लगानीकर्ताहरु पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच सोमबारको सेयर बजारमा सबैभन्दा बढी कारोबार एनआइसी एशिया बैंक लिमिटेडको भएको छ । यस कम्पनीको ३ करोड ४ लाख ६७ हजार ४ सय ६९ रुपैयाँ ३० पैसा बराबरको सेयर कारोबार भएको छ । यस अलावा सगरमाथा लुम्बिनी इन्स्योरेन्स, सिटिजन्स इन्भेस्टमेन्ट ट्रस्ट, प्रभु बैंक लिमिटेड, शिवम् सिमेन्ट र नबिल बैंक लिमिटेडको पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरूको सूचीः
यस्तै सोमबारको सेयर बजारमा सगरमाथा लुम्बिनी इन्स्योरेन्सका लगानीकर्ताले सबैभन्दा बढी गुमाएका छन् । यो कम्पनीको सेयर मूल्य ६ प्रतिशत भन्दा धेरैले घटेको हो । सगरमाथा लुम्बिनी इन्स्योरेन्सको सेयरमा यस्तो गिरावट आउँदा बाराही हाइड्रोपावर, कुमारी इक्वटी फण्ड, इस्टर्न हाइड्रोपावर र विन नेपाल लघुवित्तमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः
