काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक दोहोरो अंकले बढेको छ । मंगलबारको तुलनामा नेप्से परिसूचक २३.३९ अंकले बढेर १८४५.०१ बिन्दुमा पुगेको हो ।

बुधबार नेप्सेमा कुल २६६ कम्पनीको २५ लाख ७७ हजार २ सय १० कित्ता सेयर खरिद बिक्री हुँदा ८५ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको ५ करोड ४६ लाख ५८ हजार ६ सय ८५ रुपैयाँ ६० पैसा बराबरको सेयर कारोबार भएको छ ।

यस्तै बुधबार सेयर बजारमा आत्म्मनिर्भर लघुवित्त वित्तिय संस्थाका लगानीकर्ताहरु मालामाल भएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो । यस अलवा इस्टर्न हाइड्रोपावर, ग्रिन लाइफ हाइड्रोपावर, आदर्श लघुवित्त वित्तिय संस्था, सहस उर्जा लिमिटेड र पञ्चकन्या माइ हाइड्रोपावरका लगानीकर्ताहरु पनि मालामाल भएका छन् । हेर्नुहोस् बुधबार सेयर बजारमा सबैभन्दा बढी नाफा गर्ने कम्पनीहरूको सूचीः

यसैबीच बुधबार सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ५ करोड ४६ लाख ५८ हजार ६ सय ८५ रुपैयाँ ६० पैसा बराबरको सेयर कारोबार भएको छ । यस अलावा नेपाल दूरसंचार कम्पनी, एनआईसी एशिया बैंक, सिटिजन्स इन्भेस्टमेन्ट ट्रस्ट, माई खोला हाइड्रोपावर र नेपाल इन्स्योरेन्स कम्पनीको पनि अत्याधिक कारोबार भएको छ । हेर्नुहोस् बुधबार सेयर बजारमा सर्वाधिक कारोबार हुने कम्पनीहरूको सूचीः

यस्तै बुधबार सेयर बजारमा माई खोला हाइड्रोपावरका लगानीकर्ताले सबैभन्दा बढी गुमाएका छन् । यो कम्पनीको सेयर मूल्य ७ प्रतिशत भन्दा धेरैले बढेको हो । माई खोलाको सेयरमा यस्तो गिरावट आउँदा युनिक नेपाल लघुवित्त वित्तिय संस्था, ८.५% नेपाल बैंक डेबेञ्चर २०८७, १०.५% नेपाल इन्भेस्टमेन्ट डेबेञ्चर २०८२ र मेगा म्युचुअल फण्ड-१ मा पनि उच्च गिरावट देखिएको छ । हेर्नुहोस् बुधबार सेयर बजारमा सबैभन्दा बढी गुमाउने कम्पनीहरुको सूचीः