काठमाडौं । नेपाल टेलिकमले सामाजिक सञ्जालमा भाइरल भइरहेको कर्मचारी माग सम्बन्धी सूचना गलत भएको बताएको छ । टेलिकमले केही दिनदेखि सामाजिक सञ्जालमा ‘नेपाल टेलिकममा कर्मचारी माग’ भन्दै प्रवाह भएको सूचना गलत भएको बताएको हो ।
बुधबार एक सूचना जारी गर्दै टेलिकमले समाजिक सञ्जालमा गतल सूचना गइरहेको जानकारी दिएको हो । तत्कालका लागि नेपाल टेलिकमको कुनै पनि शाखाबाट कर्मचारी माग नभएको कम्पनीले स्पष्ट पारेको छ ।
‘केही दिन यता नेपाल टेलिकमका विभिन्न शाखाहरुमा काम गर्न भ्याकेन्सी खोलिएको’ भनेर कम्पनीका पदाधिकारीहरुको नाम समेत जोडी विभिन्न फेसबुक ग्रुप र म्यासेन्जर तथा ह्वाट्सएप लगायतका सामाजिक सञ्जालमार्फत गलत सूचना प्रवाह भएको सम्बन्धमा कम्पनीको गम्भीर ध्यानाकर्षण भएको छ’- नेपाल टेलकमले जारी गरेको सूचनामा उल्लेख गरिएको छ ।
त्यस्तै, टेलिकमले कर्मचारी आवश्यकता सम्बन्धी सूचना कम्पनीले राष्ट्रिय दैनिक गोरखापत्र तथा कम्पनीको वेबसाइटमा मात्र आधिकारिक रुपमा सार्वजनिक गर्ने गरेकोले यस प्रकारका गलत सूचनाको भ्रममा नपर्न समेत आग्रह गरेको छ । यस्तो छ टेलिकमद्धारा जारी प्रेस विज्ञप्ती:
