काठमाडौं । काठमाडौंमा दोस्रो अन्तराष्ट्रिय सिए विद्यार्थी सम्मेलन २०२३ आयोजना हुने भएको छ । नेपाल चार्टर्ड एकाउन्टेन्ट्स विद्यार्थी एसोसिएसन (एनकासा)को आयोजनामा असार १४ गते (बिहीबार) सम्मेलन हुने भएको हो ।

उक्त सम्मेलन काठमाडौंको प्रज्ञा प्रतिष्ठान, कमलादीमा आयोजना हुने एनकासाले जनाएको छ । उक्त सम्मेलनमा लेखाकारहरुको दक्षिण एशियाली महासंघ (साफा)मा आवद्ध ८ देशका विद्यार्थीहरुको सहभागिता रहनेछ ।

उक्त सम्मेलनले अन्तरदेशीय विद्यार्थीहरुबीच सम्बन्ध स्थापित हुनुका साथै व्यक्तित्व विकासमा मद्धत पुग्ने विश्वास लिइएको छ । त्यस्तै, एनकासाले १४ असारमा आयोजना हुने उक्त सम्मेलनमा चार्टर्ड एकाउन्टेन्ट अध्ययनरत विद्यार्थी, अध्यापन गराउने शिक्षक र अभिभावकलाई सहभागी हुन आग्रह गरेको छ ।